Бидний барилга угсрах ажил нь захиалагчийн хүсэлтийг “хэлбэрт ороогүй байгаа үед нь” архитектортай хамтарч бодит хэлбэр болгох ажил юм. Барилга тус бүр зориулалт, хэрэглээнээс хамаараад өөр өөр хэлбэр, хэмжээтэй байдаг нь захиалагч бүрийн хүсэл, зорилгоос шалтгаалдаг. Орон сууцны хувьд тухайн захиалагч гэр бүлийнхээ таатай амьдрах орчинг бүрдүүлэхийг зорьдог. Ажлын байр оффисын хувьд ажилтнууддаа тайван, төвлөрөн ажиллах орчин бүрдүүлэхийг хүснэ. Харин эмнэлэг бол өвчтөн ба эмч нар тайван, дулаан орчинд эмчилгээндээ анхаарах орон зай хэрэгтэй. Христийн цуглаан, сүм хийдэд итгэл үнэмшлээ баримтлан амар тайван залбирал хийх байр чухал. Архитектор хүн барилга барих талбайнхаа төсөв, хууль эрх зүйн хязгаарлалт зэрэг олон асуудлыг шийдвэрлэхийн зэрэгцээ захиалагчийн хүсэлтэд өөрийн санаа, мэдрэмжээ нэмэн төлөвлөлт хийж, зураг төсөл боловсруулж бэлтгэдэг. Бид энэхүү архитектороос ирсэн зураг төсөл дээр өөрсдийн хуримтлуулсан технологи, туршлага, хүчин чармайлтаа зориулан захиалагч болон архитекторуудад итгэл дүүрэн хүлээлгэн өгөх хэмжээний барилга байгууламжийг угсардаг. Иймээс бид захиалагч нараасаа байрныхаа сайн чанарыг эдэлж, тав тухыг мэдрэн, илүү сайхан байшин болгон арчлаасай гэж хүсдэг.

2017 онд шинээр баригдсан компанийн барилга маань заал, гал тогоо, мөн хүүхэд саатуулах газар болон цайны ёслол хийх өрөө зэрэг япон хэв маягийн талбайтай.. Энд зөвхөн ажлын уулзалт хийх төдийгүй, семинар, арга хэмжээ зохион байгуулан гадна, дотны хүмүүстэй харилцах талбар болгон ашиглах боломжтой орчин юм.

Япон Улсын Барилгын Холбооны 65-р BCS шагнал авсан.

Манай компаний бүтээн байгуулалт болох “Касугадай-ны төв ” барилга маань Японы Барилга Үйлдвэрлэлийн Холбооноос зохион байгуулдаг 65-р BCS шагналыг хүртсэн нь үнэхээр бахархууштай зүйл болсон. Энэхүү нэр хүндтэй шагналыг хүртсэн нь бидэнд маш их урам өгсөн төдийгүй, бидний гаргасан хүчин чармайлтын үр дүн гарч байгааг харуулсан сайхан үйл явдал боллоо. Ийм өндөр шагнал, үнэлгээг авч буй нь бидний үүрэг хариуцлагыг улам бэхжүүлж, цаашдын ажилдаа илүү эрч хүчтэй хандах урам зориг болж чадсан. Энэхүү амжилт нь манай компанитай хамтран ажиллагсдын дэмжлэг оролцоогүйгээр боломжгүй байсан бөгөөд та бүхэндээ дахин гүнээ талархаж байгаагаа илэрхийлье. Цаашид ч нийгэм, орон нутгийн хөгжилд хувь нэмэр оруулахуйц чанартай, бат бөх барилга байгууламж барихдаа бүх хүчээ дайчлан ажиллаж, улам хөгжүүлэх болно. Энэхүү итгэл сэтгэлээр бид бүгдээрээ нэгэн зорилгоор тууштай ажиллах болно. Цаашдид ч та бүхний санал, зөвлөгөөг хүлээн авч хамтран ажиллахдаа таатай байна.

Компаний үүсгэн байгуулагчаас илгээх үг

Компанийн товч танилцуулга